Mò sta schiarann’ ‘o juorne, tornano ‘a miez’ ‘o mare
quatt paranze cu ‘e vele latine,
tirann’ ‘e rezz’ argiento sbarcan’ ‘a Margellina,
cantan’ ‘e marenare… se regnen’ ‘e spaselle….
‘o sole saglie ‘ncielo….
Se scete Napule cu’ tutt’ ‘e cose belle….
Pe’ legge d’ ‘a Natura tutt’ cagne,
pur’je a vint’anne fuje nu bellusciore…..
mò me so’ cagnata:
‘o tiempo m’ha scurpit’ n’ata faccia,
‘o tiempo s’è arrubbat’ ‘a giuventù.
Pe’ chesta legge…. Napule sì cagnata pure tu.
Vieneme ‘nsuonno… pigliame p’ ‘a mano,
famm’ abballà cu’ te na tarantella…
si spont’ ‘a luna, a Marechiaro puortame, sott’ ‘a
fenestella.
Pigli’ tutt’ ‘e chitarre, tutt’ ‘e manduline…
Ca’ vocia toja, tant’ appassiunata….
Famme sentì n’urdema, sulitaria serenata!
Matilde Bonetti